Мәдениеттану саласындағы зерттеуші, этномәдени бірегейлік, қазақ этностилі және дәстүр мен заманауилық арасындағы көркемдік диалог философиясын зерттеумен айналысамын. Алматы қаласында дүниеге келіп, шығыстану бағыты бойынша базалық білім алдым. Магистратура мен докторантура кезеңінде мәдениеттану ғылымы аясында гуманитарлық білім мен жаһандану үдерістерін мәдени-философиялық тұрғыдан талдауды ұштастырдым. Қытайда, Түркияда (Мармара университеті) және Финляндияда (Хельсинки университеті) білім алып, ғылыми тағылымдамадан өттім. Бұл халықаралық академиялық тәжірибелер менің мәдени гибридтену, этноэстетика және Қазақстанның заманауи сәулеттік-көркем тілі мәселелеріне деген қызығушылығымды қалыптастырды. Зерттеу жұмысым Қазақстанның жаһандық мәдени кеңістіктегі рөлін түсіндіруге және дәстүрлі рәміздер мен заманауи пішіндерді ұштастыратын жаңа эстетикалық шешімдерді іздеуге бағытталған. Халықаралық ғылыми жобаларға белсенді қатысып, конференцияларда баяндама жасаймын және мәдени мұра мен өнердегі инновациялар тақырыбында мақалалар жариялаймын.